La fête de la Sainte-Croix de septembre est mentionnée dans les délibérations de la communauté dès 1651, à l’occasion de la consécration de l’église paroissiale Saint-Laurent nouvellement construite. Cependant, elle était probablement célébrée ultérieurement : comme celle de saint Damase, c’est une fête votive qui se pratique « conformément aux encienes coutumes », ainsi que le signale une délibération de 1723. Elle se déroule le 14 septembre, jour de l’Exaltation de la Sainte-Croix, commémorant l’invention de la Croix par sainte Hélène au début du 4e siècle.

En 1787, Achard, en indiquant que les patrons de la paroisse sont l’« Exaltation de la Croix » et « saint Damase pape », précise qu’ils sont célébrés par deux fêtes s’accompagnant de « roumavagis ». Il s’agit du romérage, cérémonie populaire associant fête religieuse (procession, messe) et jeux, bravade, danses, foire ou marché. En effet, le conseil de la communauté de Ginasservis désigne les capitaine, lieutenant et enseigne de la jeunesse qui ont pour vocation d’organiser la fête (1700, 1723). Le capitaine a notamment la charge d’acheter la poudre destinée à la bravade (tirs cérémoniels et festifs assurés par une garde d'honneur). Les comptes trésoraires conservent en outre la trace de dépenses pour des musiciens (tambour et fifre en 1732-1733). Le romérage pouvait causer quelques débordements, puisqu’en 1779-1780, la maréchaussée est gratifiée par le conseil pour avoir maintenu l’ordre lors de la fête.

Vers la fin du 19e siècle (?), le coutumier de la paroisse indique que l'exaltation de la Croix est toujours célébrée le 14 septembre, cette fois comme fête patronale principale. Elle se déroule durant deux jours. Le premier jour, on effectue une procession passant par la "grand'rue, la tour" et l'emplacement d'une ancienne croix de mission (non identifiée) où se fait la bénédiction du terroir avec la relique de la Vraie Croix (staurothèque) que le curé porte à la procession. Cette procession est suivie d'une messe à l'église paroissiale. Le lendemain de la fête, une messe basse est célébrée à la chapelle Saint-Damase.

Conventions entre frere Gaspard de Villenefve Vauclauze, comandeur d'Aix, segneur de Ginaservis et Vinon et les conseuls et communauté dudict Ginaservis d'une part et Baptiste Pellegrin, Artur Dromet mestres massons du borg Marcoux en le comté de Nisse, habitant de Claviez et ledict Dormet habitant à Mannousque. Dans minutes de Me Hodoul Joseph, notaire à Ginasservis, 1625 - 1628. 27 juillet 1626. Archives départementales du Var : 3 E 14 / 331.

Transcription par Janine Albrecht.

 [Fol. 202r] L'an seze centz vingt-six et le vingt-septiesme julhet devant moi notere et tesmoings cy bas-només constitue frere Gaspard de Villenefve [fol 202v] Vauclauze comandeur d'Aix, segneur de ce lieu de Ginaservis et Vinon, Estienne Fabry borgeois, Vincens Ailhaud et Loys Pierre, conseul dudict Ginaservis d'une part et Baptiste Pellegrin et Artur Dromet mestres massons, ledict Pelegrin du Borg en le comté de Nisse, habitant à Claviez et ledict Dromet habitant de la ville de Manousque d'aultre. Lesquels de leur gré, ledict segneur commandeur et comme prieur de ladicte esglize pour ung tier et lesdicts  conseuls pour et au nom de ladicte communauté et pour les autres deux tiers et lesdicts Pellegrin et Dromet l'ung pour l'autre et  chescung d'eulz seul pour le tout, ont faict les conventions [fol. 203r] et acord suivantz deube stippullation de part et d'aultre intervenant sçavoyr est en premier que lesdicts Pellegrin et Dromet seront teneuz de fere et construire une esglize audict lieu de Ginaservis  et au cartier dict au fourt de l'hourme et autre entre la traversse dez Arnaudz et celle dicte dez Fabre de la longuer de douze canez comprins le perpiture1, quatre canez de large, le tout franc en heuvre  tant en largeur que longueur et quatre canes d'auteur sans la pante  requize et ors de tere ne autrement conformement au plan donné par Simon Carre, autre mestre masson, mesme y feront deux chapelles de dix-sept pans carrés chescune, franc dans heuvre [fol. 203v] en croix dudict perpeture. Les murailhes de ladicte esglize seront de quatre pans et demy aux fondemants jusques au plan de ladicte esglize et despuis le plan de ladicte esglize jusques à sa perfection quatre pans2 avec son tallus par dehors requis et plan par dedans. Lesdictes chapelles seront crottées en demie voulte et le perpeture à pan. Seront teneuz lesdicts Pellegrin et Dromet fere en ladicte esglize et entre ledict perpetuere et l'une desdictes chapelles et du cousté qu'il sera advizé par le seg[n]eur, ung clocher de la grandeur de douze pans carrés franc aussy de heuvre et de vingt pans de face ayant les murailles quatre pans d'espesseur en sorte qu'on l'y puisse  entrer de ladicte esglize et porter deux voultes pour [fol.204r] servir de sacrestie et neamoingz y feront de petits degrés à chaux et sable pour monter et sonner les cloches à vant3.  Ledict clocher avec ces quatre fenestrages de tailhe et feramante, de seze4 pans d'auteur oultre et par dessus le plus hault du toit de ladicte esglize avec son egulle ainsin que sera advizé par lesdicts mestres, ladicte egulle aulte et par dessus lesdicts quinze seze5 pans, lesdictes murailles avec son tallus requis pardevant et sera couvert de briques ou autre ainsin que par le segneur sera advizé, que sera faict trois arcz en ladicte esglize sousteneuz aux coustés et au de[h]ors de ladicte esglize de quatre encolles6, deux de chasque cousté de ladicte esglize de tailhe [fol. 204v] yceulx arcz et lesdictes encolles aussy de tailhe les coingz et le reste de massonnarie, ayant les encolles six pans d'especeur et une canne d'estandue. Les fenestrages de ladicte esglize ce feront de tailhe par de[h]ors et de massonnerie par dedans avec ses embrazements deubement blanchis, que sera faict deux portes en ladicte esglize et aux endroictz où sera advizé par le segneur comandeur, de tailhe la grande à l'ordre tuscan et la petite avec ung chapiteau et ronde. Soubz telle condictions que ladicte communauté sera teneu payer le port de ladicte tailhe de ladicte grand porte. Que lesdictz mestres massons seront teneuz paver ladicte esglize de bard le mendre7 desquels aura deux pans au [fol. 205r] carré et quatre poulces de doictz d'espeseur. Que ladicte communauté sera tenu fornir sur le lieu les saumiers, trauctz et tulles8 brutz quilz seront requis pour le couvert de ladicte esglize avec les cloux et feremante tant d'icelluy couvert, fenestrages et portes comme aussy audict clocher, tel y en est requis. Que le curun9 quy  ce treuve en lieu des fondementz de ladicte et qu'il sera requis de l'enlever pour ne donner empechement de travailher les mestres, ladicte communauté sera tenue le fere en lieu à ces despans et sans aulcune diminution du pris du prisfaict, sera permis audicts mestres massons prendre la piere de l'esglize vieilhe ensamble de la meson [fol. 205v] des hoeirs à feu Venture Hollome oultre celle des mesons  que lesdicts mestres massons habitent pour la place de ladicte esglize, le prix desquelles ce que sera payé par ladicte communauté fors celle du segneur comandeur qu'il a contribué de sa grasse en ladicte place. Que lesdicts Pellegrin et Dromet seront teneuz d'avoyr parachever le prisfaict entre yci et le dernier may prochain, à ces fins randra ladicte esglize et clocher deubement parachevez et le tout en besoinge10 de recepte deubement blanchie du dedans de plastre blanc tant sacrestie, esglize, chapelles et autres endroictz où il sera requis deubement le tout couvert avec ses solliertz et pante en sorte que elle soyt en pairfect y fere [fol.206r] povoyr fere  selebrer le Sainct Sacrifice de la messe et autre ainsin qu'on dict portes fermées, sans que la communauté soyt tenue fere aulcune autre choses que les saumiers, trauctz11, sable, tuilles des couverts, feremantz, cledix12 dez fenestrages, vistres, portes, serures, levemant de curun que dessus est dict, bien sera tenue ladicte communaulté fornir ausdicts mestres massons le boys aussy sur le lyeu qu’il sera requis pour les arcades et estagiés, lequel boys seront teneuz lesdicts Pellegrin et Dromet conduire en pere de famille . Que sera permis audicts mestres massons fere de fourtz de chaux où lui sera indiqué par le segneur comandeur et conseulz [fol. 206v] dans le teroyr dudict lieu et luy sera permis de prandre du boys du gast pour le cuire sans payer aulcune chose et sans fere depopullation d'aultre arbre que des brusses. Que lesdicts mestres massons ne puvent ce divertir, ne prandre autre besoigne que ils aiyent randu ladicte esglise en la forme que dessus, ne ce absanter de ce dict lieu que le prisfaict ne soyt achevé à pene de mil livres. Et comme les peires et trauctz, fornitures que avoict dict fere ledict segneur et communauté, seront teneuz payer yceulx Pellegrin et Dromet la somme de deux mil deux centz livres payables ung tiers lors qu'ils commanceront à travailher à la besoingne dudict prisfaict, [fol. 207r] autre tiers lors qu'il y aura la moittié moitié de la besoigne faicte et le surplus en travaillant l'autre moitié à fere. Que lesdicts Pelgrin et Dromet bailleront suffisante caution pour l'assurance de fe dudict segneur et communauté et ce pour le fruict et faict du caution cy-dessus et à ces fins en tra[ns]porteront extraict d'icelle à ladicte communauté et segneur dans quinzene à peine de tous despans, doumaiges et interestz. Que lesdicts Pellegrin et Dromet seront teneuz fere bauchir13 et embellir les saumiers, trauctz et tu[i]lles que conviendra employer au couvert de ladicte esglize et aux endroyctz out il sera requis ce aux propres cousts et despans sans aulcune augmentation [fol. 207v] du pris du prisfaict. Que lesdicts Pellegrin et Dromet seront teneuz de crespir et autre que ce dict reboucar par dehors les murailhes de ladicte esglize, chapelles et clochier moyenant ce, ont promis chascune desdictes parties en tant que les touche avoyr aggré le present acte et son conteneu et pour tout atandu, ont submis et obligé ledict segneur comandeur tous ces biens, lesdicts conseuls tous les biens de la communauté, lesdicts Pellegrin et Dromet leurs persones et biens l'ung pour laultre et chascun d'eulx seul pour le tout aux cours des submissions de Provence ainsin l'ont juré avec deub renonciations, faict et publié audict [fol. 208r] Ginaservis et meson segneurialle dudict lieu en presance de messire Henri de Grasse cadet de Sainct Troppé, frere Claude Michel viquere en l'esglize dudict lieu et messire Honnoré Abran prebtre dudict Ginaservis tesmoings requis, les escripvantz soubsignés :

Vauclause - Batista Pelegrin - Fabry - H. de Sainct Torpes - Michel, vicaire - Abran, prebtre.