Pris-fait et promesse faitte par François Viret me menuisier de Castellane au révérend père en Dieu messire Loys-Duchaine, seigneur evesque de Senez, messire Anthoine Bonnet prieur de Tartonne et les conseulz et communauté dudit lieu

Extrait

L'an mil six cent vingt sept et le trante jour dumois d'aoust de matin, stably en personne me François Viret, maistre menuisier de la ville de Castellane, lequel de son gré a promis et promet à révérend père en Dieu messire Loys Duchaine, seigneur évesque de Senez, et à messire Anthoine Bonnet, prêtre, prieur des prieurés de Tartonne et de la Pene, et aux conseulz et communauté dudit lieu, absantz lesditz seigneur evesque, conseulz et communauté, presant et stipulant ledit Anthoine Bonnet prieur au nom dudit seigneur evesque et communauté ausquels promet à iceulx le presant acte ratifier dans quinze jours prochains, en fesant ceppendant son faict et cauze propre, de fère la grande porte de l'esglize de ce dit lieu, de noyer, avec les chambranles et moulures tout à l'entour et (...) avec les clous à pointe de diaman de pan en pan au dessus des mollures, avec ses parnes, goufons et ferrements ; sera tenu doubler ladite porte de bois blanc avec ses portillons comme dessus. Fera la petite porte de l'autre entrée de ladite esglize samblable à ladite grande porte et ce dès icy et la feste de tous les saintz prochain venant aux propres coustz et despans dudit Viret, se réservant ledit sieur prieur les portes vieilhes et ferements et parnes d'icelles. [...]