Original, minutes de Georges Bernard, notaire de la Tour-d' Aigues, A.D. Vaucluse, 3 E.../156, f° 562v°-573.

[...] Pareillement a esté convenu que ledict Pascal fera couvrir la carrossiere, de huict canes de long et quatre de large, et y fera quatre portes et encores la porte principalle entrant a la maison du jeu de paulme et celle dudict jeu de paulme et trois grandes portes pour l'escuerie et feniere d' icelle. [...]

Signé : Chrestienne d'Aguerre, E. Pascal.

Original, minutes de Jean Desnotz, notaire à Paris, A.N., CXII 260.

[...] Item sera ledict Pascal tenu, a promis et promect de faire bien et dueument ung bastiment de huict cannes de longueur et quatre de largeur, le tout hors d’œuvre, pour servir a mectre lescarosses au-desoubz, ou il sera faict quatre grandes arcades de pierre de taille avecq une aultre petitte arcade pour l'entrée de ladicte maison, laquelle carossiere sera pavée de cailloux et abbreuvée a chaulx et sable, en laquelle se fera deux estages au-dessus, scavoir une salle et trois chambres a plan pied d'icelle, et une montée en degréz pour servir a monter aulx deux estaiges, ausquelz y seront faict de quinze a seize croisées de pierre de taille garniezs de bois de chesne ou de mesle faictes de mesme celle de la maison du jeu de paulme, ferrées et vistrées a quatre guichetz pour croisée.

Ensemble sera faict et fourny neuf portes ausdictz deux estaiges, de mesme bois et façon que dessus, y compris celle de la petitte entrée, et au-dessus de ladicte salle y sera faict quatre chambres a plain pied l'une de l'autre, au-dessoubz du galletas, en y faisant deux planchers ausdicts deux estaiges de la fasson du premier et second de la maison du jeu de paulme.

Et par-dessus lesdictz deux estaiges au-dessus de ladicte carossiere y sera faict le couvert a trois pantes, couvert de thuille ou bricque ainsy qu'il sera advisé pour le mieulx, auquel couvert sera mis deux pannonceaulx avecq ses girouettes et le tout bien et deuement faict par ledict Pascal et de rendre par luy place nette et la clef a la main. [...]

Signé : Chrestienne d'Aguerre, E. Pascal.

Original, minutes de Louis Sauvecane, notaire de la Tour-d'Aigues, 1610, A.D. Vaucluse, 3 E .../211, f° 473 v° -475 v°

[...] de faire et parfaire bien et duemant la quantité de dix-neuf croizieres, quatre pour remettre dans le chasteau et quinze dans la carrosiere, de bois de noyer ou de chaine bon, sec et receptable et de honneste espoiseur, pour le pris, sy sont de noyer, a huict escus la piece et, sy sont de chaine, a sept escus, au choix dud. cappitaine Pascal, en fornissant par icellui aud.Larnonier de bois de chaine pour y travalher, pour lequel bois de chaine led. Lamonier sera tenu paier ou prescompter sur led. pris a raison de cinquante cinq soulz la cane carrée. Et la ou led. cappitaine Pascal n'auroit commodité luy fornir tel bois, sera permis aud. Lamonier y emploier de bois de noyer.

Comme aussy icellui Lamonier sera tenu faire toutes les portes que sera de besong dans la maison de la carrosiere, hors de quatre grandes qui serviront pour entrer les carrosses, pour lepris sy sont de noyer a raison de trois escus la piece et sy sont de chaine deux escus et demy, mesurant le bois hors d'aubecque, comme de mesme led. Lamonier ne le pourra employer.

Lesquelles portes et croisieres seront faictes de paneaux a bosse a recouvrement par derriere, hors de celle de la petite entrée qu'il la fera de honneste fasson au choix dud. cappitaine Pascal qu' elle luy plaira a ce que entre eulx sera advizé.

[...]

Délai d'exécution : Pâques prochaines. Fourniture du bois de chêne : moitié avant la Saint-Michel, moitié avant Noël. Paiement : avance de 2 croisées à mesuree, dont un tiers en grains.

[...] Lequel Lamonier sera tenu de son euvre ung an après qu'elle soit faicte [...]

Signé : E. Pascal, Pierre Lamonnié.

Original, minutes de Georges Bernard, notaire de la Tour-d'Aigues, A.D. Vaucluse, 3 E.../158, f° 174.

[...] Plus [ledit Menen] fera ce que sera neccessere en la maison et carrossiere que led. cappitaire fait presentement ediffier pour Madame en la rue du tripot, savoir deux penonceaulx en fer blanc qui se prandront loing l'un de l'aultre, avec la frize semblable a celle qu'est aux grandz pavillons du chasteau, lesquels penonceaulx seront faits d'honneste fason et de l'haulteur de quatre pans despuis la girouete en bas, icelle giroete de la grandeur et largeur de celles desd. pavillons, avec la fleur de lis par-dessus. Et neantmoings de fere des penonceaulx jusques au plus bas du couvert, qui sera faict de brique, avec ses pomes semblables.

[...]

Original, minutes de Louis Sauvecane, notaire de la Tour-d'Aigues, A.D. Vaucluse, 3E.../211, f° 516-517.

[...] de faire les vitres que led. caitaine Pascal lui indiquera a la maison neuve du trippot, la carrossiere et au château, hors le bastiment neuf ja bailhé a maistre Paquier, vitrier d' Apt.

[...]

Délai d'exécution : juillet prochain

Prix : 4 sous le pan carré, avec versement d'un acompte de 71/2 livres en argent, 215 livres de blé, du plomb et 196 livres de verre.

Original, minutes de Louis Sauvecane, notaire de la Tour-d'Aigues, A.D. Vaucluse, 3 E.../212, f° 678-680.

[...] de euvrer au château de ce lieu de la Tour-d'Aigues scavoir de fornir aud. Pascal :

- tous les carreaux sive mallons de brique que sera besoing et necessere pour le jeu de paume et par tous les endroictz la ou il sera de besoing, tant pour led. château que deux maisons acquizes par icellui Pascal de feue madame la comtesse de Sault, de la grandeur d'ung [pan] et ung doigt quand aux plus grandz et deux grandz doigtz d'espoisseur et les autres samblables de ceulx qu'on employe constinuement aux salles dud. château, lesquelz mallons fabriquera a la theoliere du lieu de Peipin ou de la Motte, au choix dud. Pascal ;

- ensamble dix mil thuilles et non plus du molle comung ;

- comme aussy fera de brique pour le couvert de la carrosiere et autres que sera besoing, ayant ung pan ung doigt de longeur, deux tiers de pan de largeur et ung doigt d'espoisseur, le tout bien cuit, marchant et receptable.

[...]

prix : 10 livres le milliers, payable par fournée, transporté aux frais du commanditaire.

Plus icelluy Bargetz sera tenu fere tout premier les careaux du jeu de Paume.

Signé : E. Pascal.

Original, minutes de Georges Bernard, notaire de la Tour-d'Aigues, 1618, A.D. Vaucluse, 3 E .../166, f° 529 v°-533.

[...] effectuant ledict Sr Martin l'intention de madicte dame accordée advant son despart de cedict lieu pour Grenoble ou elle est de present [...]

Ledict Chabert sera tenu comme il promet continuer le bastiment de la Carroussiere de l' haulteur que s'y puisse faire deux planchiers, ung negat et l'autre avec de traves et sommiers soubstenus bien et deuement par de bons et fortz sommiers de telle haulteur de l'ung a l'aultre comme celluy du jeu de paulme.

Et faire aussi que le dessus du plus hault et second planchier ayt cinq pans d'haulteur sur le devant dudict couvert, qui sortira hors des murailles deux pans et demy, et le couvrira bien et deuement a thuilles et garny de bonnes fustes et quartons bon bois sec.

Et fera les marches et degrés piarre de taille jusques au premier planchier et les autres degrés pour monter jusques au plus hault seront de plastre.

Fera aussy deux croisieres et deux demy croisieres piarre de taille sur le devant et du costé de la basse court du chasteau, garnyes bois de nohier bien et deuement ferrées.

Fera aussi en lad. maison deux cheminées aveq leurs bornes bien et deuement assorties et pavera a calade tout le bas d'icelle maison et la blanchira au dedans a laict de chaulx et au dehors la carronnera tout a l'entour a coleur de piarre de taille.

Et garnira les portes de la salle, chambre et riere-chambre boys nohier, bien ferrées et garnies de serrure et clef, et pour les autres de bois de mesle doubles et pozera deux eiguiers aux lieux que luy sera indiqué et fera encores une cheminée oultre les deux cy-dessus au bas de lad. maison du costé de celle d'Anthoine Garein.

Demeurant ledict Chabert en faculté de prandre au jeu de paulme, au chasteau et l'oiseliere tout le bois que y est proveu que ce soit pour servir et employer a l'ediffice de lad. maison et non autrement et de prandre aussy une piboulle pour la mesme occasion et oultre ce de prandre les trois grandz portes que sont au chasteau et jeu de paulme, servant de present pour granier, pour les emploier aux portes de lad. maison.

Sera led. Chabert tenu fournir tous les traictz neccessaires et manquant de piarre de taille ou bois sapin madicte dame sera tenue au charriage sur la place tant seullement, estant neantmoingz led. Chabert chargé de rompre le vieulx portal de la basse court et laisser la pierre de taille de l'arcade seulement a madicte dame et le reste de la piarre de taille et autre petite piarre apartiendra aud. Chabert pour s' en servir aud. bastiment.

[...]

Délai d'exécution : un an. Prix: 1300 livres.

Signé : Martin, Jehan Chabert.

Original, minutes de Georges Bernard, notaire de la Tour-d'Aigues, A.D. Vaucluse, 3 E.../167, f° 182 v° -195.

Jacques Martin de Beaurepaire, procureur spécialement fondé de Charles de Créquy, cède à titre de paiement audit Chabert

[...] une maison que mond. seigneur a et possede en ced. lieu de la Tour et au cartier de la Grand rue du Tripot, confrontant maison sur lad. rue de François Charpin, maison par dernier ce jourd'huy vandue aud. François Pourchier, maison d' Anthoine Garein, du costé du château l'escuerie de mond. seigneur, les deux rues publiques et autres ses confrons plus vrays si point en y a, aveq ses droitz et appartenances, entrées et yssues quelconques, y comprenant les crottes que y sont et generalement tout ce que peult apartenir a mond. seigneur sur lad. maison, [...] que lesd. parties ont apretié et esvalué a la somme de deux mil deux centz cinquante livres [...]

Signé : Martin, Jehan Chabert